ವರ್ಷಕ್ಕೆ 10 ಲಕ್ಷ ಆದಾಯ ಅದು ಹೇಗೆ ಗೊತ್ತಾ ಈ ಕೃಷಿ ಮಾಡಿದರೆ ಮಾತ್ರ (Organic farming)

ಡಾ|| ಎಂ. ಹೆಚ್. ಮರೀಗೌಡ ರಾಜ್ಯ ಮಟ್ಟದ ಅತ್ಯುತ್ತಮ ತೋಟಗಾರಿಕೆ ರೈತ ಪ್ರಶಸ್ತಿ ಪುರಸ್ಕೃತರು

ಪ್ರಗತಿಪರ ರೈತರಾದ ಶ್ರೀ ರಾಜೇಂದ್ರರವರು ಶಿವಮೊಗ್ಗ ಜಿಲ್ಲೆ ಸಾಗರ ತಾಲ್ಲೂಕಿನ ಹೊಸಹಳ್ಳಿ ಗ್ರಾಮದವರಾಗಿದ್ದು ಸುಮಾರು 5.0 ಎಕರೆ ಜಮೀನಿನಲ್ಲಿ ಹೆಚ್ಚಿನ ಆದಾಯ ಕೊಡುವ ತೋಟಗಾರಿಕೆ ಬೆಳೆಗಳನ್ನು ಅಳವಡಿಸಿಕೊಂಡಿದ್ದಾರೆ.(Organic farming)

ಇವರು ಹಣ್ಣಿನ ಬೆಳೆಗಳಾದ ಇತ್ತೀಚೆಗೆ ಪ್ರಚಲಿತದಲ್ಲಿರುವ ರಾಂಬುಟಾನ್, ಅಂಜೂರ, ಚಕ್ಕೋತ, ಹಲಸು, ಮಾವು, ಸಪೋಟ ಎಗ್‌ಫ್ರುಟ್, ಬೆಣ್ಣೆಹಣ್ಣು, ವಾಟರ್ ಆಪಲ್, ಫ್ಯಾಷನ್ ಫ್ರುಟ್, ಕೋಕಂ, ಲಿಚ್ಚಿ, ಸೀಬೆ ಬೆಳೆಗಳನ್ನು ಬೆಳೆದು ಸಮಗ್ರ ಕೀಟಗಳ ರಕ್ಷಣೆಗಾಗಿ ಮೋಹಕ ಬಲೆಗಳನ್ನು ಅಳವಡಿಸಿಕೊಂಡು ಉತ್ತಮ ಗುಣಮಟ್ಟವನ್ನು ಕಾಪಾಡಿಕೊಂಡಿದ್ದಾರೆ. ಇದರಿಂದ ವಾರ್ಷಿಕವಾಗಿ ಸುಮಾರು ರೂ.10.0 ಲಕ್ಷ ನಿವ್ವಳ ಆದಾಯವನ್ನು ಗಳಿಸಿದ್ದಾರೆ.

ಶ್ರೀಯುತರು ತರಕಾರಿ ಬೆಳೆಗಳಾದ ಸುವರ್ಣಗಡ್ಡೆ, ಪರ್ಪಲ್ ಯಾಮ್ ಎಕಾನ್, ಬಳ್ಳಿ ಆಲೂಗಡ್ಡೆ, ಗೆಣಸು, ಬೆಂಡೆ, ವಿವಿಧ ಜಾತಿಯ ಬೀನ್ಸ್, ಹರಿವೆ, ಚೀನಿಕಾಯಿ, ಕುಂಬಳಕಾಯಿ, ವಿವಿಧ ಜಾತಿಯ ಕಸವುಗಳನ್ನು ಮಿಶ್ರ ಬೆಳೆಗಳನ್ನಾಗಿ, ಹಾಗೂ ಇತರೆ ತರಕಾರಿ ಬೆಳೆಗಳನ್ನು ಬೆಳೆದಿದ್ದಾರೆ.

ಇದರಿಂದ ಸರಾಸರಿ ಸುಮಾರು ರೂ. 50,000/- ವಾರ್ಷಿಕ ನಿವ್ವಳ ಆದಾಯವನ್ನು ಗಳಿಸಿದ್ದಾರೆ. ಜೊತೆಗೆ ಹೂವಿನ ಬೆಳೆಗಳಾದ ಗುಲಾಬಿ, ಆಂತೋರಿಯಮ್, ದಾಸವಾಳ, ಕಮಲ ಹಾಗೂ ವಿವಿಧ ಜಾತಿಗಳ ಹೂವುಗಳನ್ನು ಸಹ ಬೆಳೆದಿದ್ದಾರೆ.

ಇವರು ಜೇನು ಸಾಕಣೆ ಸಹ ಅಳವಡಿಸಿಕೊಂಡು 50 ಜೇನು ಪೆಟ್ಟಿಗೆಗಳನ್ನು ಹೊಂದಿದ್ದು ತೋಟಗಾರಿಕೆ ಬೆಳೆಗಳಲ್ಲಿ ಪರಾಗಸ್ಪರ್ಶ ಕ್ರಿಯೆ ಹೆಚ್ಚಿಸಿಕೊಂಡಿದ್ದಾರೆ.

ಔಷಧೀಯ ಸಸ್ಯ ಹಾಗೂ ಪ್ಲಾಂಟೇಶನ್ ಮತ್ತು ಮಸಾಲೆ / ಸಾಂಬಾರು ಬೆಳೆಗಳ ಮಾಹಿತಿ.(Organic farming)

ತೆಂಗು, ಗೇರು, ದಾಲ್ಟಿನ್ನಿ, ಲವಂಗ, ಜಾಯಿಕಾಯಿ, ಕೋಕೋ, ವೆನಿಲ್ಲಾ, ಕಾಫಿ ಹಾಗೂ ವಿವಿಧ ತಳಿಗಳ ಬೆಳೆಯನ್ನು ಬೆಳೆದಿದ್ದು ಸುಮಾರು ರೂ.7.0 ಲಕ್ಷ ವಾರ್ಷಿಕ ನಿವ್ವಳ ಆದಾಯವನ್ನು ಗಳಿಸಿದ್ದಾರೆ.

ಅಲ್ಲದೆ ಇವರು ಔಷಧೀಯ ಮತ್ತು ಸುಗಂಧ ಬೆಳೆಗಳಾದ ಮಕ್ಕೋತದೇವ, ಗ್ಯಾಕ್ ಸಿಮಾರುಬಾ, ಟೀಟೀ, ಆಫ್ರಿಕನ್ ಲ್ಯಾವೆಂಡರ್ ಬೆಳೆಗಳನ್ನು ಬೆಳೆದಿದ್ದು, ಔಷಧೀಯ ಸಸ್ಯ ಹಾಗೂ ಹಣ್ಣುಗಳನ್ನು ರೋಗಿಗಳಿಗೆ ಉಚಿತವಾಗಿ ನೀಡುತ್ತಿರುವುದು ಇವರ ವಿಶೇಷ.

ಜೊತೆಗೆ ಇವರು ಮಣ್ಣು ಮತ್ತು ನೀರು ಸಂರಕ್ಷಣೆಗೆ ಸೂಕ್ತ ಕ್ರಮಗಳಾದ ಇಳಿಜಾರಿಗೆ ಅಡ್ಡಲಾಗಿ ಬದುಗಳ ನಿರ್ಮಾಣ, ಟ್ರೆಂಚ್‌ಗಳ ನಿರ್ಮಾಣ, ನೀರು ಕಾಲುವೆಗಳ ನಿರ್ಮಾಣ ಮತ್ತು ಸಮಪಾತಾಳಿ ಬದುಗಳ ನಿರ್ಮಾಣ ಮಾಡಿರುತ್ತಾರೆ.

ಇವರು ನೀರು ಸಂರಕ್ಷಣೆಗಾಗಿ ತಮ್ಮ ಜಮೀನಿನಲ್ಲಿ ಕೃಷಿ ಹೊಂಡಗಳನ್ನು ಮಾಡಿ ನೀರು ಸಂಗ್ರಹಿಸಿರುತ್ತಾರೆ.ಅಲ್ಲದೆ ಸಮಗ್ರಪೋಷಕಾಂಶಗಳ ನಿರ್ವಹಣೆ ಮಾಡಲು ಅಡಿಕೆ ಸಿಪ್ಪೆಯಲ್ಲಿ ಕಾಂಪೋಸ್ಟ್ತಯಾರಿಸಿ ಅದಕ್ಕೆ ವೇಸ್ಟ್ ಡಿಕಂಪೋಸರ್ ಮತ್ತು ಜೈವಿಕ ಗೊಬ್ಬರಗಳನ್ನುಸೇರಿಸಿ ಬಳಕೆ ಮಾಡುತ್ತಿದ್ದಾರೆ.

ಜೊತೆಗೆ ಕೊಟ್ಟಿಗೆ ಗೊಬ್ಬರ, ಕುರಿ ಗೊಬ್ಬರ, ಬೇವಿನ ಹಿಂಡಿ, ಜೈವಿಕ ಗೊಬ್ಬರ, ಪಂಚಗವ್ಯಗಳನ್ನು ಬಳಸುವುದಲ್ಲದೆ, ತಮ್ಮ ಜಮೀನಿನಲ್ಲಿ ಹಸಿರೆಲೆ ಗೊಬ್ಬರಗಳನ್ನು ಬೆಳೆದು ಭೂಮಿಗೆ ಸೇರಿಸಿ ಮಣ್ಣಿನ ಫಲವತ್ತತೆಯನ್ನು ಹೆಚ್ಚಿಸಿದ್ದಾರೆ.

ಅಲ್ಲದೆ ವಿವಿಧ ಪ್ರಭೇದದ 1300ಕ್ಕೂ ಹೆಚ್ಚು ಸ್ವದೇಶಿ ಹಾಗೂ ವಿದೇಶಿ ತಳಿಯ ಹೂ, ಹಣ್ಣು, ತರಕಾರಿ, ಔಷಧೀಯ ಸಸ್ಯಗಳು, ಪ್ಲಾಂಟೇಷನ್ ಬೆಳೆಗಳನ್ನು ವ್ಯವಸ್ಥಿತ ರೀತಿಯಲ್ಲಿ ಬೆಳೆದಿದ್ದು ಇವರ ತೋಟಕ್ಕೆ ಹೆಚ್ಚಿನ ರೈತರು ಭೇಟಿ ನೀಡಿ ಮಾಹಿತಿ ಪಡೆಯುತ್ತಾರೆ.

ಮಳೆ ನೀರು ನಿರ್ವಹಣೆ ಮಾಹಿತಿ

ರಾಜೇಂದ್ರರವರು ತೋಟಗಾರಿಕೆ ನರ್ಸರಿಯನ್ನು ಸಹ ನಿರ್ವಹಿಸುತ್ತಿದ್ದು ಮೆಣಸು, ಹಲಸು, ಮಾವು ಮತ್ತು ಕೆಲವು ತರಕಾರಿ ಸಸಿಗಳನ್ನು ಉತ್ಪಾದನೆ ಮಾಡಿ ಇತರೆ ರೈತರಿಗೆ ಮಾರಾಟ ಮಾಡಿ ಲಾಭ ಗಳಿಸುತ್ತಿದಾರೆ.

ಅಲ್ಲದೆ ಸಮಗ್ರ ನೀರು ನಿರ್ವಹಣೆಗಾಗಿ ತಮ್ಮ ಜಮೀನಿನಲ್ಲಿ ಕೃಷಿ ಹೊಂಡವನ್ನು ನಿರ್ಮಿಸಿ ಬಿದ್ದ ಮಳೆ ನೀರು ಪೋಲಾಗದಂತೆ ಸಂಗ್ರಹಿಸಿ ಬೆಳೆಯ ಸಂದಿಗ್ಧ ಹಂತಗಳಲ್ಲಿ ಬಳಸುತ್ತಿದ್ದಾರೆ.

ತೋಟಗಾರಿಕಾ ಬೆಳೆಗಳಲ್ಲಿ ಹನಿ ನೀರಾವರಿ, ತುಂತುರು ನೀರಾವರಿ ಹಾಗೂ ಪ್ಲಾಸ್ಟಿಕ್ ಹೊದಿಕೆಯನ್ನು ಅಳವಡಿಸಿ ನೀರನ್ನು ಮಿತವಾಗಿ ಬಳಸುತ್ತಿದ್ದಾರೆ.

ಮಣ್ಣು ಮತ್ತು ನೀರು ಸಂರಕ್ಷಣೆಗಾಗಿ ಮಾಗಿ ಹುಳುಮೆ, ಇಳಿಜಾರಿಗೆ ಅಡ್ಡಲಾಗಿ ಉಳುಮೆ, ಬದುಗಳ ನಿರ್ಮಾಣ, ಇಂಗು ಗುಂಡಿ ಅಳವಡಿಸಿಕೊಂಡಿದ್ದಾರೆ.

ಇವರು ಸುಧಾರಿತ ಬೇಸಾಯ ಪದ್ಧತಿಗಳು, ಮಣ್ಣು ಮತ್ತು ನೀರು ನಿರ್ವಹಣೆ ಮಾಡುವುದಲ್ಲದೆ, ತೋಟಗಾರಿಕೆ ಬೆಳೆಗಳಲ್ಲಿ ಕೊಯ್ಲಿನ ನಂತರ ಗ್ರೇಡಿಂಗ್, ಕ್ಲೀನಿಂಗ್ ಮಾಡಿ ಆನ್‌ಲೈನ್ ಮೂಲಕ ಮಾರಾಟ ಮಾಡುವ ಮೂಲಕ ಅಧಿಕ ಲಾಭ ಗಳಿಸುತ್ತಿದ್ದಾರೆ.

ಇದಲ್ಲದೇ, ಗಿಡಗಳ ಸಸ್ಯಾಭಿವೃದ್ಧಿ, ತೋಟಗಾರಿಕೆ ಟೂರಿಸಂ ಮೂಲಕ ತೋಟಗಾರಿಕೆಗೆ ನವನವೀನತೆಯ ಆಯಾಮ ನೀಡಿ ಮಾದರಿ ರೈತರೆನಿಸಿಕೊಂಡಿದ್ದಾರೆ.

ಕೃಷಿಯಲ್ಲಿ ಇವರು ಬಳಸುವ ಯಂತ್ರ ಉಪಕರಣಗಳ ಬಗ್ಗೆ ಮಾಹಿತಿ

ಶ್ರೀ ರಾಜೇಂದ್ರರವರು ಇವರು ಕೃಷಿ ಯಂತ್ರೋಪಕರಣಗಳಾದ ಅಡಿಕೆ ಬಿಡಿಸುವ ಯಂತ್ರ, ತೆಂಗಿನ ಕಾಯಿ ಕಟ್ಟರ್, ಕಳೆ ತೆಗೆಯುವ ಯಂತ್ರ, ಸಿಂಪರಣಾ ಯಂತ್ರ, ಗ್ರಾವಿಟಿ ಕ್ಲೀನಿಂಗ್ ಮಿಷಿನ್, ಮೆಣಸಿನ ಡಿಕಾಟಿಕೇಟ‌ರ್, ಡ್ರೈಯರ್ ಇತ್ಯಾದಿ ಯಂತ್ರಗಳನ್ನು ಉಪಯೋಗಿಸುತ್ತಿದ್ದಾರೆ.

ಇವರು ಕೃಷಿಕ ಪರಿವಾರ ಬೆಳೆಗಾರರಕಂಪನಿ, ಸ್ಥಳೀಯ ಸಹಕಾರ ಸಂಘ, ಹಾಲು ಉತ್ಪಾದಕರ ಸಹಾಕರ ಸಂಘ, ವೆನಿಲ್ಲಾ ಸಣ್ಣ ಬೆಳೆಗಾರರ ಸಂಘದಸದಸ್ಯರಾಗಿದ್ದು ಅವುಗಳ ಚಟುವಟಿಕೆಗಳಲ್ಲಿ ಸಕ್ರೀಯವಾಗಿ ಭಾಗವಹಿಸುತ್ತಾರೆ.

ಪ್ರಗತಿಪರ ರೈತರದ ರಾಜೇಂದ್ರ ರವರು ಅರಣ್ಯ ಕೃಷಿಗೆ ಹೆಚ್ಚು ಹೊತ್ತು ನೀಡಿದ್ದು. ಜೊತೆಗೆ ತೋಟಗಾರಿಕೆ ಬೆಳೆಗಳನ್ನು ಅಳವಡಿಸಿಕೊಂಡು ಹಣ್ಣಿನ ಬೆಳೆಗಳನ್ನು ಹೆಚ್ಚು ಬೇಡಿಕೆ ಇರುವ ರಾಂಬೊ ಟನ್ ಅಂಜೂರ ಚಕೋತ ಹಲಸು ಸಪೋರ್ಟ ಬೆಣ್ಣೆ ಹಣ್ಣು ಫ್ಯಾಷನ್ ಫ್ರೂಟ್ ಲಿಂಬೆ ಸೀಬೆ ಹಣ್ಣುಗಳು ಹೆಚ್ಚಾಗಿ ಬೆಳೆದಿದ್ದಾರೆ. ಈ ಬೆಳೆಗಳು ಕಡಿಮೆ ಪ್ರಮಾಣದ ನೀರು ಮತ್ತು ಮಳೆಯಾಶ್ರಿತ ಬೆಳೆಯಾಗಿದ್ದು ಈ ಬೆಳೆಗಳನ್ನು ಹೆಚ್ಚಿನ ವ್ಯವಸಾಯ ಇರುವುದಿಲ್ಲ ಹೆಚ್ಚು ಕೂಲಿ ಕಾರ್ಮಿಕರ ಅವಶ್ಯಕತೆ ಇರುವುದಿಲ್ಲ ಇದರಿಂದಾಗಿ ಹೆಚ್ಚಿನ ಲಾಭವನ್ನು ಗಳಿಸಲು ಸಾಧ್ಯವಾಗುತ್ತದೆ.ವರ್ಷಕ್ಕೆ ದೀರ್ಘಾವಧಿ ಬೆಳೆಗಳಿಂದ 10 ಲಕ್ಷದವರೆಗೆ ಆದಾಯವನ್ನು ಪಡೆಯುತ್ತಾರೆ.

ಇವರು ಮರಗಳ ಮಧ್ಯದಲ್ಲಿ ತರಕಾರಿಗಳನ್ನು ಬೆಳೆದು ಹಾಗೂ ವಿವಿಧ ಜಾತಿಯ ಮಿಶ್ರಬೆಳೆ ತರಕಾರಿಗಳನ್ನು ಬೆಳೆದು ಇದರಿಂದ ಸರಾಸರಿ ಸುಮಾರು ವಾರ್ಷಿಕ 50,000 ನಿವಳ ಆದಾಯ ಪಡೆಯುತ್ತಾರೆ. ಜೊತೆಗೆ ಅಲಂಕಾರಿ ಹೂಗಳು ಸಹ ಬೆಳೆಯುತ್ತಾರೆ ಇವರು ಜೇನು ಕೃಷಿಯನ್ನು ಅಳವಡಿಸಿಕೊಂಡಿದ್ದು 50 ಪೆಟ್ಟಿಗೆಗಳನ್ನು ಹೊಂದಿದ್ದು ಅವರ ತೋಟದ ಪರಾಗ ಸ್ಪರ್ಶ ಕ್ರಿಯೆಗೆ ಹೆಚ್ಚಿಸಿಕೊಂಡಿದ್ದಾರೆ.

ತಮ್ಮ ತೋಟದಲ್ಲಿ ನರ್ಸರಿಗಳನ್ನು ಸಹ ಮಾಡಿದ್ದು ಸುತ್ತಮುತ್ತಲ ರೈತರಿಗೆ ಸಸಿಗಳನ್ನು ಮಾರಾಟ ಮಾಡುತ್ತಾರೆ ಇವರು ಕಾಳುಮೆಣಸು ಹಲಸು ಮತ್ತು ತರಕಾರಿ ಸಸಿಗಳನ್ನು ಬೆಳೆಸಿ ಮಾರಾಟ ಮಾಡುತ್ತಾರೆ.

ಇವರು ಆಧುನಿಕ ಯಂತ್ರೋಪಕರಣಗಳನ್ನು ಬಳಸಿಕೊಂಡು ಕೃಷಿ ಕಾರ್ಮಿಕರ ಮೇಲಿನ ಅವಲಂಬನೆಯನ್ನು ಕಡಿತಗೊಳಿಸಿ ಕೃಷಿ ಖರ್ಚನ್ನು ಕಡಿಮೆ ಮಾಡಿದ್ದಾರೆ.

ಜೊತೆಗೆ ತಾವು ಬೆಳೆದ ಹಣ್ಣು ತರಕಾರಿ ಔಷಧಿ ಜೇನುತುಪ್ಪ ಇತ್ಯಾದಿ ಬೆಳೆದ ಬೆಳೆಗಳನ್ನು ಆನ್ಲೈನ್ ಮುಖಾಂತರ ವ್ಯಾಪಾರ ಮಾಡುತ್ತಾರೆ.

ಶ್ರೀ ರಾಜೇಂದ್ರರವರಿಗೆ ಸಂದ ಪ್ರಶಸ್ತಿಗಳು

ಶ್ರೀಯುತರು ಕೃಷಿ ವಿಶ್ವವಿದ್ಯಾನಿಲಯ, ಕೃಷಿ ವಿಜ್ಞಾನ ಕೇಂದ್ರ, ಕೃಷಿ ಇಲಾಖೆ ಹಾಗೂ ಇತರೆ ಅಭಿವೃದ್ಧಿ ಇಲಾಖೆಗಳ ವಿಜ್ಞಾನಿಗಳು ಮತ್ತು ವಿಸ್ತರಣಾ ಕಾರ್ಯಕರ್ತರೊಡನೆ ನಿರಂತರ ಸಂಪರ್ಕ ಹೊಂದಿದ್ದು ನವೀನ ತಾಂತ್ರಿಕತೆಗಳ ಬಗ್ಗೆ ಮಾಹಿತಿ ಪಡೆಯುತ್ತಿರುತ್ತಾರೆ. ಕೃಷಿಯ ಸಾಧನೆಗೆ ಇವರಿಗೆ 2020 ರಲ್ಲಿ ರಾಜ್ಯಮಟ್ಟದ ವಿಜಯ ಕರ್ನಾಟಕ ಸೂಪರ್ ಸ್ಟಾರ್ ಪ್ರಶಸ್ತಿ, ಏಷ್ಯಾ ನೆಟ್ ಸುವರ್ಣ ನ್ಯೂಸ್ ರಾಜ್ಯಮಟ್ಟದ ರೈತ ರತ್ನ ಪ್ರಶಸ್ತಿ, 2021-22 ರಲ್ಲಿ ಆತ್ಮ ಯೋಜನೆಯಡಿ ಜಿಲ್ಲಾ ಮಟ್ಟದ ಶ್ರೇಷ್ಠ ಕೃಷಿಕ ಪ್ರಶಸ್ತಿ, ಮತ್ತು 2022ರಲ್ಲಿ ಬಾಗಲಕೋಟೆ ತೋಟಗಾರಿಕೆ ವಿಶ್ವವಿದ್ಯಾಲಯದಿಂದ ಜಿಲ್ಲಾಮಟ್ಟದ ಶ್ರೇಷ್ಠ ರೈತ ಪ್ರಶಸ್ತಿ ಲಭಿಸಿರುತ್ತದೆ.